කාලෙකට කලින් ආදරෙන් ඉඳලා
දැන් ඒ ආදරේ නැතිව
විඳවන හිත් මොන තරම් ඇත්ද..?

තමන් ඒ ආදරේ කරපු කෙනාම
තව එකෙක් හරි එකියක් එක්ක හරි සැරින්සැරේට ෆ්බී
ෆොටෝස් දානකොට
ඒවා බල බලා
හිත් කොච්චර රිද්ද ගන්නවා ඇත්ද..?

අනේ මේ මට පනටත් වඩා කාලයක්
ආදරේ  දුන්නු කෙනාමද මේ කිය කියා
කොච්චර හිතින් විඳෝනව ඇත්ද..?

ඉස්සර තමන් එක්ක ෆෝන් එකේ
එල්ලිලා උන්නු එයා
අදටත් ඔන්ලයින් ඉඳිද්දි
තමන්ට එක මැසෙජ් එකක්වත්
නොදා ඉඳිද්දි
එයා දැන් අළුත් කෙනා එක්ක
සතුටින් ඇති නේද..?
මං එක්ක වගේම එයා එක්කත්
පැය ගනන් කතා කරනවා ඇති නේද..?
කිය කියා හිත හිත
කොච්චරවත් ඇස් තෙමා ගන්නවා ඇත්ද..?

අනේ මට ආදරේ කිව්ව තරම්ම
දැන් එයාටත් ආදරෙයි කියනවා ඇති නේද
කියල හිත හිතාම කොච්චර
හිතින් පිච්චෙනවා ඇත්ද..?

මා එක්ක හුරතල් වුණු විදියට
මා එක්ක හිනා වුණු තරමට
දැන් එයා එක්කත් එහෙම ඉන්නව
ඇති නේද කියලා හිත හිත
ඇස් කඳුළින් තෙමා ගන්නවා ඇත්ද..

එයා ඔන්ලයින් ඉන්නවා දකින්නත්
හොයා බලන්නවත් බැරිවෙන්න
බ්ලොක් කරලා දාල නම්
අනේ එයා ගැන
තොරතුරක් හොයා ගන්නවත් බැරිව
කොච්චර  පසු තැවෙන අය ඇත්ද.?

මහ රෑටත් අවදි වෙවීම
බලන්නෙත් අනේ එයා ඔන්ලයින් ද කියලා
ඒක දුකක් වුනත්
එහෙම හරි දැකලා සනස ගන්න හිත් කොච්චර ඇත්ද..?

එකම එක මැසෙජ් එකක් දාලා
එකම එක සැරයක්
තමන් හොඳින්ද කියලා අහනකම්
කොච්චර හිත් මග බලන් ඇත්ද..?

මොන දුකක් ආවත්
අනේ එයාවත් ළඟින් උන්න නම්
කියා හිත හිතාම තවමත් දාල ගිය එයා ආපහු එයි කියලා මග බලන හිත්
කොච්චර ඇත්ද..?

හීනෙන්වත් දැක ගන්න එකම එක
වතාවකටවත් එයාගෙ රූපෙ,
අනේ ඒ ඇස්වලට හරි හැටි
නින්දක්වත් නැතිව දුක් විඳින අය කොච්චරවත් ඇත්ද..?

තමන් ගැන නිතරෝම හොයා බලාපු,ලෙඩක් හැඳුනත් දුක් වෙච්ච
කලබලවෙච්ච,බෙහෙත් ගන්න කියලා තරවටු කරපු එයා දැන්
තමන් උන්නද මලාද කියලවත්
නොබලද්දි අනේ එහෙම වුනේ
කොහොමද කියලා හිත හිතාම
අඬන හිත් කොච්චර ඇත්ද..?

තමන් එක්ක හැමදේම කියපු
තමන් එක්කම අඬපු,හිනාවුනු එයා
දැන් අලුත් කෙනා එක්ක
එහෙම ඉන්නවා ඇති කියලා හිත හිතාම
විඳවන හිත් කොච්චර ඇත්ද ?

කාලෙකට කලින්
නැහීගෙන ආදරේ කරපු උන්
අදටත් ඉන්නවා
ඒ ආදරේ අමතක කර ගන්න බැරිව
හිතින් මහා ගොඩාක් විඳව විඳව..

සමහරුන්ට
කාටවත්ම කියාගන්න
බැරි රහස් ඒවා..
ජීවිතේ ඉතින් විඳෝනවා හැම මොහොතකම මතක් කර කර
තනියම..

හැමදාකම මහරෑට තනි වෙද්දි
ඒ වේදනාත්මක මතක
කාටවත්ම රහසින් අඬවනවා
ඒ හිත්  මහා ගොඩක්..
අසරණයි ඇත්තටම ඒ අය..

කවුද හිතන්නෙ තමන් නැහීගෙන
ආදරේ කරන එයා තමන්ව දාලා යයි කියලා
ඉතින් හිතේ පුරෝගෙන ආදරේ දෙන්නෙ..
පණ වගේ රකින්නෙ..
ඒ වගේම ආදරයක් තමන්ට දීලත්
අනේ ඇයි අතරමග දාලා ගියේ කියන
ප්‍රශ්නෙත් ඔළුවෙ තියන්
හැමදාම විඳවනවා ඒ අසරණ හිත්..

කවදාවත්ම දාලා යන්න බලන්
කාටවත්ම ආදරේ කරන්න එපා..
මොකද හිතක අවංකවම අසීමිතවම
ආදරයක් ඇතිවෙන්නෙ
එකම එක පාරයි
ඒ එකම කෙනෙක් වෙනුවෙන් විතරමයි..
ආයෙ ඒ ආදරේ
වෙන කාටවත්ම දෙන්න බෑ..

හිතකට වේදනාවක් දෙන්න බලන් මහා ලොකු බලාපොරොත්තු දෙන්න එපා..
ඒක මහා පවක්..

ඉතින් හැමෝටම කියන්නෙ
කාගෙවත් හිතකට ආදරේ දීලා බලාපොරොත්තු වලින් පුරෝලා
අතරමග දාලා යන්න බලන් නම්
ආදරේ කරන්න එපා..

මොකද ඒ කැඩුනු හිත අයිති කෙනා
ඔයාව ජීවිතේම කරන් ආදරේ කරනවා
වෙන්න පුළුවන් .

ඒ වගේ අය තමා
වැඩි හරියක්ම මානසික රෝහල් වල ප්‍රතිකාර ගන්නෙ..
ඩිප්‍රෙශන් කිය කියා
බෙහෙත් පෙති ගිලින්නෙ..

ඉතින් ඔයා ඔයාට අවංක වෙන්න..
එක හිතකට ආදරේ දෙන්න..
වේදනාවක් දීලා
මග නතරවෙන්න බලන් නෙවෙයි..
ජීවිතේ ගොඩක් දුර යන්න බලන්..

එතකොට විඳවන හිත්..
හැමදාම අඬන ඇස්..
ආදරේ ගැන කලකිරුන හිත්
නොතිබෙන්නට තිබුනා
මේ තරම්..

බුදුසරණයි 🙏

 ❤️🐇